कर्णाली सरकारका तीन मन्त्रीले आज राजीनामा  दिँँदै!!

माओवादी केन्द्रका नेता मुख्यमन्त्री महेन्द्रबहादुर शाहीको नेतृत्वमा रहेको सरकारमा आर्थिक मामिला तथा योजना मन्त्री प्रकाश ज्वाला, सामाजिक विकास मन्त्री दल रावल र उद्योग पर्यटन  वन तथा वातावरण मन्त्री नन्दसिंह बुढा संयुक्त राजीनामा दिने तयारीमा छन् ।

‘आइतवार बसेको संसदीय दलको वैठकमा मन्त्रीले मार्ग प्रशस्त गर्ने प्रस्ताव म आफैले राखेको हो,’ सामाजिक विकास मन्त्री दल रावलले  भने, ‘त्यहि आधारमा हामी मंगलबार बस्ने वैठक अगाडी नै राजीनामा दिन्छौं र संसदीय दलको वैठकमा जानेछौं।’

आइतबार बसेको दलको बैठकले नेकपा एमालेलाई एक ढिक्का बनाउन महत्वपूर्ण भूमिका निर्वाह गरेको बताउँदै प्रदेशमा एमालेको नेतृत्वमा सरकार बनाउन आवश्यक कदम चालिएको उनको भनाइ छ ।

‘हामी आज मन्त्रालयले गरेका कार्यप्रगतिको विवरणसहित राजीनामा घोषणा गर्नेछौं, वनमन्त्री बुढाले भने । 

साभार; Sital pati